جدتي :

جدتي :
أريد استعارة المطحنة
فهناك من يستحقون
أن نسحقهم عليها .

هروب لاتنقصها الخدمات !

هروب لاتنقصها الخدمات !بل تنقصها كفاءاتتدير هذه الخدمات ...

مُذَكِّرَات صُعْلُوك

واعِزّتِي لِمْفَتّلِين الأشْنَاب

اللّي يظُنون الْمَرَاجِل دِدْسنْ وجِيب

نَاسٍ بِالْمَظَاهِرْ يُبْدُون الاعْجَاب

ونَاسٍ تِذمّكْ لا صِرْتْ خَالِي الْجِيب

حِنّا يسَمُّونا قْرُود وكْلاب

والْفَارْ فِي هَالمُجْتَمَعْ يسَمُّونَه الذّيب

والْحَقِيقَة كلّهُمْ مِثْلَ  السَّرَاب

حَتَّى شيْخنَا وَقْت الشّدَايِدْ يغِيب

إنْ جِيت لَهْ بفْلُوسْ يِفْتَحْ لَك الْبَاب

وانْ جِيتَهْ مْطَفّرْ يِنْسَى الْخَتم فِي الْجيب

ورْجَالنَا مَاتِقَدّرْ إلاّ الْاغْرَاب

كلّهُمْ خَلْف الْمَصَالِحْ ولاعِنْدهمْ عَيْب

وانَا اخْنَقَتْنِي الْعَبْرَة يا اعزّ الأصْحَاب

يوْم شِفْتْ شَايِبْ يطْلِي الشّيْبْ بِالطِّيب

مَاهمّتَهْ سُود اللّيَالِي ولاَ حسَبْ لهَا حْسَاب

يظِنْ انّ الْوَفَا بَاقِي ويَاعَسَى ظَنّهْ مَايخِيب

وتدْرِي وِشْ مِشْكلَتْنَا يَا اعَزّ الأصْحَاب

إنْ خنَّا قِلْنا دِنْيا بَهَا الرَّيْب 

البَارِحَة والْهَوَا يِجْمَعْنَا

البَارِحَة والْهَوَا يِجْمَعْنَا

لِيْل وسَهَرْ واشْخَاصْ تِمْتِعْنَا

والْيَوْم نِسْهَرْ بَلَا مَعْنَى

نَاسْ بـ قُرْبَهَا ضِعْنَا

أَغْرَابْ حِنّا بِجْلُوسهِمْ مَعْنَا

صَمْتْ  وسْكُون مَحد يِسْمَعْنَا

الْجَسَدْ مَوْجُود بَس الْفِكِرْ قَاطَعْنَا

مَدْرِي تَغَلّي وَلّا غُرُورْ وَلَّا مِضَيِّعْنَا

مَدْرِي نِعْرِف بِعَضْنَا

ولا صُدْفَة جَمَّعَتْنَا !

وبُكْرَة يِجِي الْعِيد ونِتْحَنَّى

وَأطْفَالِنَا تِفْرَحْ وتِتْغَنَّى

مْبَارَكْ يَاعِيد مْبَارَكْ

أَحْلَى الَأيَّام نْهَارَكْ

وحِنَّا نِلْبَسْ الْوِزْرَة ونِتْهَنَّى

ونذْكُرْ سِوَالِفْنَا يَوْم كِنَّا وكِنَّا

يَوْم غَنّى طَلَالْ :

عَرَفْتِكْ و إحْنَا لِسَّا صْغَارْ

و لِسَّــــا  فِي ذِمّة الأَقْدَارْ 

وفِي الْحَارَة مَعَ الْجِـيرَانْ

كِبِرْنَا و انْتِي بَرْضُو كَمَانْ

نِذْكِرْ سِوَالِفْنَا

يومْ الْمَطَرْ يِغْرَقْنَا

ونَخَافْ اللِّيل يِفَّرقْنَا

حَتَّى الضَّبَابْ

كَانْ يِخْنِقْنَا

وابْنِ الْجِيرَانْ

يِضْحَكْ ويِسْرِقْنَا

نِلْعَبْ ونِضْحَكْ ونِسْهَرْ

ونِجْمَعْ مِنْ دَفَاتِرْنَا وَرَقْ

ونِصْنَعْ مِنْ عِلْمِنَا

الْمَسْرُوقْ ..

مَرْكَبْ مِنْ وَرَقْ

طَايرَة مِنْ وَرَقْ

أَحْلامِنَا مِثْل أَفْلَامِنَا 

كِلهَا مِنْ وَرَقْ ! 

لَيْتَنِي طِفْلْ لَاقَالْ يُمَّهْ لَقَاهَا

وَاقفَة تِمِد يدِيهَا وتُضُمّهْ

لاَغَابَتْ عَنْ عُيُونَهْ بَكَاهَا

مَايبِي الاّ قُرْبَهَا يَمَّهْ

يِكْبَرْ الطّفْلُ ويِكْبَرْغَلَاهَا

ويفَارِقْ أُمّهْ وزَادْ هَمّهْ

يِغْتَرِبْ عَنْ ديَارَهْ وقُرَاهَا

وهو حَيْرَان مَحْرُوقْ دَمّهْ

مَانِسَى دْيَارَهْ وَالله مَانِسَاهَا

 لَكِنْ قَسْوَة الدّنْيَا تِهِمّهْ

يُمّهْ تِذّكِرِين الدّيرَة وصِبَاهَا

تِذْكِرِين الغَنَمْ والْبَيْتْ والصَّمَّة

تِذْكِرِين السُّوق والْحَيْفَة ورُبَاهَا

تِذْكِرِين الزَّرْع والفَيْشْ والْعَمَّة

خَالْتِي تِحِش وعَمِّي رَمَاهَا

وجَدِّي يلْعَبْ بشَعْرِي ويِلِمَّهْ

وانْتِي تِهْتَمِّينْ بِالْحَيْفَة وسَمَاهَا

وجَدّتِي تِقْطْف الزّهْر وتِشِمّهْ

ويوم الْعِيد كِل دِنْيَايْ وحَلَاهَا

أَلْبَسْ الوِزْرَة وَألْفِت الأنْظَار يُمّهْ

عْصَابَتِي شِيح والكَاذِي شَذَاهَا

واطَوّل شْعُورِي  ويقُولُونْ جِمَّة !

والنَّاسْ  تِضْحَكْ مَدْرِي وِشْ بَلاهَا

مَادَرِيتْ ان الشّمِيزْ مَقْلُوبْ كُمَّهْ

يُمَّه أعْشَقْ الدّيرَة وَاعْشَقْ هَوَاهَا

مِنْ سَهْلَهَا الغَرْبي لأَعْلَى قِمَّة

والْيَوْمْ تِخْرَب الدّيرَة ويرْحَلْ وَفَاهَا

ويِبْقَى غَلَاهَا بِالَقَلْبْ وبْدَمَّهْ

هَذِه حِكَايَة هَرُوبِي رَوَاهَا

قَلْبَهْ المِسْكِينْ ومَانَطَقْ فَمَّهْ

هُنَا صَوْتُ الصُّمُود بِوَجْه الانْبِطَاحْ

اهْدَاء يَدُل طَرِيقَه

عِيد الْفِطْر الْمُبَاَرَكْ

1435/10/1هـ

على أطـلال هروب

على أطـلال هروب

          (1)

بيت من طين وحجر

شمس ونجوم وقمر

ورود وعصافير وشجر

غيوم وسحاب ومطر

ومابين الليالي والسنين

ضاعت أمانينا والحنين

بين اغتراب وبين الأنين

آآهـ يالفرقا والبعد آهتين

تذكرين الغلا والبرد يالديرة

تذكرين الصبا والشتا وامطاره

تذكرين منجد وهروب ودواره

سقى الله ذاك الزمان واسراره

على الوادي جنب الغدير

يوم الصبا والدنيا بخير

طفلة وطفل ودلو وبير

بعد الظهر قبل الهجير

طفلين همهم من الدنيا يلعبون

يبنون من الطين بيت ويهدمون

يركضون ورا الظل حتى يتعبون

وبعد التعب جنب الغدير يجلسون

كنا نبني من الطين مبانينا

كنا نركض ونتبع خطاوينا

وأحيان نلعب ونهدم مبانينا

تتعبنا شقاوتنا وأيامنا تنادينا

       

          (2)

ليلة خامس عشر أنورت هروب بقمرها

من شهر اربعة اكتمل  جوها مع بدرها

والتقى ضباب نعمة مع فلها وعطرها

وفاحت ريحة وردها مع مطرها

 ورحت سوقنا قبل المسا

وشفت ذاك المجهلي اللي قسى

شفت شوقه بعد النسا

وشفت العواذل وواقع كله أسى

فجأة ... جتني رسالة كلها حب وحنين:

سلم عليا بعينك
إن كان بخلت يدينك
كل اللي بيني و بينك
زعلة تمر و سلام

ورديت :

ان كان تعبت يمينك

أشر برمشك عنك وينك

كل اللي بيني وبينك

صدفة تعدي وسلام

وانت يالمجهلي تدري من تكون ؟

انت الوفا كل الوفا كيف الوفا يخون ؟

ذوق وأدب بس العواذل وش يبون ؟

انا نفترق وهذا أملهم لكن تراهم يحلمون

ماتفرقنا الأسامي والقبايل والديار

عشنا في هروب في حب وجوار

القرادي خاله هروبي والمجهلي لنا جار

مايهون اللي بقى والفكر في حبنا احتار

كل اللي ودي أعرفه يازمن

ليه حياتنا  دموع وحزن

جراح وفراق وغدر وطعن

لا رفيق ولا صديق ولا وطن

حتى هروب اللي عشقنا هواها

صارت تجفى من يعشق بهاها

غالية تغلت في حبها وغلاها

ياسعد منهو يسكن في رباها

المطر يغسل ورد الندى في الصباح

والشمس تشرق وأهلها في ضحك ومزاح

لا نفاق ولا خداع ولا جراح

صدق ووفا ولَّى وراح

15/4/1435 هـ

على أطلال هروب

على أطلال هروب
بيت من طين وحجر
شمس ونجوم وقمر
ورود وعصافير وشجر
غيوم وسحاب ومطر
ومابين الليالي والسنين
ضاعت أمانينا والحنين
بين اغتراب وبين الأنين
آآهـ يالفرقا والبعد آهتين

تدري وش بقا ؟ !
كل شيء انطفى
الا اللقا .. !
تبقى لحظة
شوق ووفا
ننتظرها بكل خوف
نخاف نلقاها
وتضيع الحروف
آآه يالفرقا
تعبنا من الشقا
متى اللقا ؟
والليالي والبقا

تدري وش تعني الفرقا ؟
تعني موت القصيدة
في صدر شاعرها
ومحدن سمعها !
غير آآه من الصدر
كلما سمعها
صد عنها


أرسم بطيفي
جبينك ...
صورتك خدك
يدينك ...
ضحكتك مزحك
عيونك...
مغرمك يامنيتي
ضاع بهيامك...

يسألوني ليه تسرح ؟
ليه ماتضحك وتمرح ؟
ليه ماتبتسم وتمزح ؟
مادروا ان الهوى يجرح ؟

افترقنا ومن الفرقا
ارتوينا
ارتوينا حتى الثمالة
وعشنا على أحلام
الطفولة
بس للأسف
تبخرت أحلامنا
وصارت مشلولة

الا حلم طفل صغير
راح مع أمه
عند جده
يلعب ويركض
محدن يصده

وقف على أطلال هروب
على بقايا بيت مهجور
مابقى فيه
غير جدار وحصير ...
فجأة !
شاف المطر يهطل
شاف البرَد ينزل
وقام يراقب المطر
مثل حبيب(ن) في حبيبه تغزل !
كان تحت المطر يغرق
ولا همه البرْد ولا احترق
قام يجمع البرَد
كانت يده صغيرة
ماتكفي هالبرَد

شاف الغيم
اللي فوق منجد تعلَّى
وشاف الضباب
اللي
تحت نعمة عليهم تغلَّى
و جدَّه عنّه ماتخلَّى
جاه بالمضلَّة
والطفل رحَّب وهلَّا

والطفل راح يسأل
كيف كنتم عايشين ؟
التفت جده وقال
كانت الدنيا تعب!
بس والله كانت سعادة
كنت أنا مثلك طفل
أرعى الغنم وماعرف زعل
كنا اخوان بنات ورجال
كانت قلوبنا بيضا
يسقيه ذاك الزمان مضى
راح العمر يابني وانقضى
كل ليلة نلعب ونسهر
نضحك ونزمر
ونسوي قهوتنا على الجمر
ماكان عندنا اللي عندكم
بس كنا غير عنكم

ودي أكمل الرواية وآخر سطر
بس عيوني اتعبها السهر


ودعت ديرتي يوم المطر يسقيها
وأنا دموعي أمطرت على خدود واحرقتها

متى اللقا ياهروب وتبعد الفرقا وتنهيها
ترى حياتي تايهة والهموم أغرقتها

تاهت بي الدنيا وتهت في بلاويها
والدمعة اللي فوق خدي جت الفرقا واسرقتها

تساقطت أروراق الخريف وركضت أجمعها وأبنيها
وأرسم مستقبلي منها ولكن جتها الرياح وفرقتها

وأحلام كنت أرسمها على رمال الفرقا وشواطيها
جا عليها موج البحر  واخترقها

آخر مواضيع المدونة
الثلاثاء 31/12/2013

صباح العيد 10/12/1434هــ

صباح العيد

صباح طفلة تركض بفستانها الجديد

صباح الثلاثاء

10/12/1434هــ
بذكرى الخميس 26/5/1426 هــ

مات الفرح واقبلت ياعيد زائر
كنّك عزاء ياعيد ماكنّك افراح

صباح الإبتسامة والسعادة والهنا

صباح العيد وجمعة أهل وجيران


صباح الورد والفل والريحان

صباح الكاذي وصباح الشيح

صباح العيد يا أنفاس الربيع

صباح العيد ياهروب ومن سكنها

صباح العيد يامنجد ونعمة ومن عشقها

صباح العيد ياشمس تضوي هروب بدفاها

ياشمس لاطلعتي ! عطريهم بأنفاح الخزامى
ولا غربتي! على هونك حبة حبة لا تغيبين

العيد شمسه مثل الربيع

والعيد يومه مثل الثواني سريع

صباح أعياد الطفولة قبل عشرين عام

والعيد صار كله أحزان

لا لقينا من يبادلنا التهاني!

ولا عرفنا من يزخرف بالمعاني

وأعيادنا صارت مثل العزا

يعني كذا لا سوالف ولا ضحك

يعني عزا !

وإن تسولف محد يمك !
كلن بجواله منشغل ...!


بالمختصر أعيادنا صارت عزا

ياليت أعياد الطفولة تعود

ويعود معها طعم العيد

يوم كنا نفرح بالعيد

يعني نلبس شيء جديد

صحيح كنا مانعرف حتى نلبس الوزرة!

لكن كانت حياتنا كلها ضحك  وهسترة

هذا اليوم عيد ؟

وقف ياعيد ولا تروح !

أبعطي وقتي للذكرى
بس دقيقة !

ياعيد لا تدق الباب وتزيد الأوجاع أوجاع
العيد فرحة ولكن الفرح من حياتي ضاع

سقى الله يوم كنت طفل ٍ يزعج الجيران
سقى الله يوم كنت طفلٍ يلصق صور سنتوب على الجدران
سقى الله يوم العيد وجدي يعيصبني بعيثران
وهذا اليوم صارت أعيادي كلها أحزان
سقى الله يوم كان لي وليف ماتفرقنا عن بعضنا ثوان
يوم ان الزمان والوقت لي زان
وهذا اليومـ . . .

وينك يالغلا بالعيد أهنيك
وينك تشوف الحال والدار من بعد فرقاك
العيد بفراقك نكس شعار الفرح
ورفرف على ديارنا شعار الأحزان

سقى الله يوم كنا مع بعضنا
تجمع قلوبنا حب طاهر والحزن
بعد ماعرفنا
ماحسبنا للدنيا حساب!
ومادرينا انها بتفرقنا
مادرينا ان الليالي تقدر تباعدنا
ولكن ... كان الزمن أقوى مما توقعنا
أذكر يوم العيد يوم انك تجينا
كان جدي يناديك
يالغلا سلم علينا
وبعدها نجري وعن الدنيا ماسألنا
وأقسى لحظة بالعيد
يوم ينادي أبوك هيا رحنا


ياعيد مالك نظرة في عيوني
نسيتني مدري زماني نساني

ماقدرت افراحك تعانق شجوني
احزاني اكبر من كلام التهاني

حاولت اجاري فرحتك واكشفوني
لاجيت ابضحك ماستمرت ثواني



ياعيد ياللي تطرق الباب زائر الدار كلّه حزن ياعيد الأفراح
ياعيد والله جاير الوقت جاير وقتٍ خذاني طير والعمر ملواح
وين الفرح ياعيد والوقت باير والحظ ماقد قام من يوم ماطاح
لا نيب عودٍ يحضنك بالزفاير ولاني طفل يستقبلك طيش وصياح
للهم في قلبي بلاد وعشاير وللحزن في عيني مداهيل ومراح
من صغر سنّي بي تدور الدواير والحزن نفسه لاتغيّر ولا راح
نزّاح ورحيّ الزمان اتداير فيني وانا مادري على وين نزّاح
وين البشاير مير وين البشاير وأنا ماغير اداوي جراح بجراح
مات الفرح واقبلت ياعيد زائر كنّك عزاء ياعيد ماكنّك افراح


يعين الله يادنيا تسوق ايّامها الأحزان يعين الله وانتي مثل قفل ٍ ضاع مفتاحه
يعين الله وجروحي لها في كلّ وقتٍ شان كذوب اللي يقول ان الزمن بيداوي جراحه
سقى الله يوم انا يمّه غرير ٍ يزعج الجيران سقى الله يوم انا طفلٍ يصج البيت بصياحه
سقى الله يوم كان اقصى طموحي لعبة الدنان نهاية يومي المغرب واخاف الليل واشباحه
سقى الله يوم انا البس بشت ابوي وثوبه القيطان واقلد كلّ شيٍ فيه حكيه جدّه مزاحه
واشيل المسبحه مثله ليا هوجس وهو سرحان بيشعر واحسب ان اللي عطاه الشعر مسباحه
سقى الله بيتنا ذاك البسيط مشقق الجدران شجاع ٍ يهزم الغدراء … بقنديله ومصباحه
تكحِّلنا القناعه لا طمع لا هم لا حرمان واذا جاء الليل تكفينا ثلاث اخوان طرّاحه
جميع الذكريات اللي غدت في قفرة النسيان يحاكي حلوها عبره بموق العين سبّاحه
خذتني غربةٍ عنوانها غربه بلا عنوان (ابي عقب التعب راحه لقى فيني التعب راحه)!!
رجعت اليوم مثل اللي رجع عقب القنص خسران غدا طيره وجاء يسحب سلوقيه وملواحه
قصيده مابَعَد مرّت ببال مساعد وضيدان هواجيس ابدويٍ هايم ٍ في عشق فلاحه
وروح ٍ تايبه كانت تبي لذنوبها غفران خطاي انّي كتمت اسرارها بعيون بواحه
تقولين المطر ماهوب … يمّه دايمٍ هتان اجل معذور قلبٍ في همومه ضاعت افراحه
انا يمّه غلطت ولاني اول واحدٍ غلطان ابونا آدم من الجنه خرج باسباب تفاحه
خذلك الوقت فيني ماخذلتك ياأعز انسان وش الدبره ؟ وحظي صار قفل ٍ ضاع مفتاحه


ياعيد كيف اقفي واخليك ياعيد حرام مالي عقبك الا الندامه
ياعيد ماللشوف صبر على البيد اليا انتحى وردت حبال الوهامه
ياعيد فسلوم العرب والتقاليد مايهجر المسلم ويقطع سلامه
وانا عليك أطرح سلامي تراديد ولكني الا من حيود العدامه
ياعيد لاتشمت علي المقاريد خلك تبين لي وراهم علامه
قدامهم خلك صدوق المواعيد واليا انتحوا صدك وعمر خيامه
العام ضيقات الخواطر شواريد واليوم مالت بالهموم العمامه
ياناس سمولي رضا تالع الجيد لو البس من الود ثوب الرخامه
اثور من بعض التصاريف وآهيد وأجبر عزومي بريش النعامه
ابغا ليا كثرة علي المناقيد اجاوب الدنيا بربع ابتسامه
وانا ادري أنه كايد الوصل وبعيد غدر النسا حتى تقوم القيامه
الواصلات الباديات التصاديد النازحات معنيات المسامه
الضاحكات المبكيات الأواليد القاتلات الود بأول حلامه
الماجنات الآسلات الأخاديد نعمة حلال الله ونقمة حرامه
اشباح لكن كلبوها من الغيد وان جاز ظني ماعليها ملامه
العيب والله في قلوب الأباليد نواظر حمراء وقلت صرامه
وانا بلشت وسبتي كلها عيد عسى جهنم تستعر في عظامه


صباح الثلاثاء 10/12/1434هــ
بذكرى الخميس 26/5/1426 هــ
((مجرد اهداء الى شخص لن تصل له أبدا))